កម្មវិធីសប្បុរសធម៌ដើម្បីចែកជូនសម្ភារៈសិក្សាដល់សិស្សសាលាបឋមសិក្សា លាងពុង

នាថ្ងៃទី២២ ខែកញ្ញា ឆ្នាំ២០២៤ សមាគមសហគ្រិនវ័យក្មេងកម្ពុជា សាខាខេត្តសៀមរាប បានរៀបចំកម្មវិធីសប្បុរសធម៌ ដឹកនាំដោយលោក លួន អានចំណេះ ប្រធានសមាគម ព្រមទាំងសមាជិកក្រុមប្រឹក្សាភិបាលនិងសមាជិកសមាជិក ដើម្បីចែកជូនសម្ភារៈសិក្សា សម្ភារៈសម្រាប់បង្រៀន និងចុះអប់រំផ្ទាល់ពីអនាម័យនៃការរស់នៅ ក៏ដូចជាការលើកទឹកចិត្តដល់ប្អូនៗមានឆន្ទៈបន្តការសិក្សាឲ្យបានខ្ពស់ ដល់សិស្សសាលាបឋមសិក្សា លាងពុង ស្រុកជីក្រែង។ បន្ទាប់ពីនេះជាពិធីកាន់បិណ្ឌរួមគ្នារវាងសមាជិកសមាជិកា នៅវត្តប្រាសាទទំនប់អន្លង់ក្រវិល ក៏ដូចជាការដាំដើមឈើ ទុកជាអនុស្សាវរីយ៍ផងដែរ។តាងនាមសមាគម សូមថ្លែងអំណរគុណយ៉ាងជ្រាលជ្រៅដល់សមាជិកសមាជិកា ចំពោះទឹកចិត្តដ៏បរិសុទ្ធ លើការបរិច្ចាគ ព្រមទាំងចូលរួមដោយផ្ទាល់ និងសូមជូនពរសមាជិកសមាជិកា និងបងប្អូនប្រជាជនខ្មែរទាំងអស់ទទួលបាននូវ សេចក្តីសុខ សុភមង្គល សុខភាពល្អបរិបូណ៌ និងទទួលបាននូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។#yeacsr #charity #donations #relationship #pjomben #KanBen #dedication #sharing